AQSH qarýly kúshterindegi eń joǵary dárejeli áskerı ofıser "kelesi Perl-Harbor ǵaryshta bolýy múmkin" dep eskertti.

Shtab bastyqtarynyń birikken tóraǵasy general Mark A.Mıllı ásker qoldanatyn zamanaýı tehnologıalar týraly saýalǵa ǵaryshtyq soǵys alańdaýshylyq týǵyzatynyn aıtyp jaýap berdi. Brýkıngs ınstıtýtyndaǵy pikirtalasta, ol elektr qýatyn, ınternetti jáne ǵaryshty qorǵaýdy mańyzdy máselelerdiń qataryna qosty.

Ol "Domen retindegi ǵarysh óte mańyzdy. Memleketter birinshi qadamdy nemese artyqshylyqty izdeýde. Kelesi Perl-Harbor ǵaryshta oryn alýy múmkin, bul týraly kóptegen adamdar jazdy" dedi.

Brendon Dj. Vaıchert 2019 jyly "Reseıdiń ǵaryshtyq Perl-Harborǵa daıyndyǵy" essesin jazǵan.

Onyń aıtýynsha, AQSH álemdegi kez kelgen elge qaraǵanda spýtnıkterge eń negizgi fýnksıalary boıynsha táýeldi. Veıhert spýtnıkterge táýeldi áskerı baılanystardy, zymyrandardy aldyn ala eskertý júıelerin jáne azamattyq banktik operasıalardy tilge tıek etken. Ol jerserikter qamtamasyz etetin "jedel baılanys pen úılestirýdi" joıyp jiberý AQSH áskerı kúshin "sańyraý, mylqaý jáne soqyr" etedi dep tolyqtyrdy.

Nú-Iork Postqa arnalǵan bólek maqalada Vaıchert "Beıjiń nemese Máskeý ózderiniń tehnologıalyq kúshterin geosaıası tártipti óz paıdasyna qaıta jazý úshin qoldana alady" dep boljaıdy.